საქართველოში შვეიცარიის საელჩოს რუსეთის ინტერესების სექცია თბილისში 17 ნოემბერს დაგეგმილ აქციებთან დაკავშირებით რუსეთის მოქალაქეებს აფრთხილებს. სექცია რუსეთის მოქალაქეებს აცნობებს, რომ 17 ნოემბერს, თბილისის ცენტრში ოპოზიციური პოლიტიკური ძალების მიერ რამდენიმე ანტისამთავრობო მიტინგი და დემონსტრაცია არის დაგეგმილი.
„ქალაქში გამკაცრებული იქნება უსაფრთხოების ზომები და შეიზღუდება ტრანსპორტის მოძრაობა. ოპოზიცია აცხადებს, რომ აქციები პერმანენტული ხასიათის იქნება.
ინტერესების სექცია რეკომენდაციას აძლევს საქართველოში მყოფ რუსეთის მოქალაქეებს, გამოიჩინონ სიფრთხილე და თავი აარიდონ მასობრივი თავშეყრის ადგილებს“, - აღნიშნულია სექციის განცხადებაში.