გიგა ბოკერია - ოპოზიციის  გზავნილია  ვადამდელი პროპორციული არჩევნები -  ყველაზე სწრაფი გზა არის ე.წ. გერმანული მოდელი, სადაც მაჟორიტარები არიან, მაგრამ ჯამში ყველა პარტია იმდენ ადგილს იღებს, რამდენ ხმასაც მიიღებს მთელ ქვეყანაში

ზოგჯერ აქციებს, ხალხის ბრაზს მეტი დრო სჭირდება, მაგრამ შეუძლებელია ამ წნეხს გაუძლოს ისეთმა უხერხემლო რეჟიმმა და ისეთმა უხერხემლო ფიგურამ, როგორც ივანიშვილია, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ ჟურნალისტებს ოპოზიციური პარტიების ლიდერებთან შეხვედრის დასრულების შემდეგ განუცხადა.

როგორც ბოკერიამ აღნიშნა, რაც უფრო მეტი დრო გავა, მით უფრო მძიმე იქნება ვითარება ივანიშვილისთვის.

„გზავნილი არის იგივე და ერთიანობა კიდევ უფრო გამყარდა. ეს არის ვადამდელი პროპორციული არჩევნები და სრული მხარდაჭერა მწვავე საპროტესტო აქციების მანამდე, სანამ ივანიშვილი მისი სამარცხვინო გუნდი არ მიიღებს იმ გადაწყვეტილებას, რაც სჭირდება საქართველოს და ქართულ საზოგადოებას იმ შეურაცხყოფის მერე, რაც მან მიაყენა საქართველოს. ჩვენ ვიქნებით საზოგადოებასთან ერთად მტკიცე ამ რწმენით და რაც უფრო მეტი დრო გავა, მით უფრო მძიმე იქნება ვითარება ივანიშვილისთვის. გარდაუვალია ეს ამბავი. ყველანაირი მწვავე, რადიკალური აქციები მათი შევიწროებისთვის არის ლეგიტიმური იმ შეურაცხყოფის მერე, რაც მათ საზოგადოებას მიაყენეს. ყველა ვარიანტში გამოიღებს აქციები საბოლოო ჯამში შედეგს. ზოგჯერ აქციებს, ხალხის ბრაზს მეტი დრო სჭირდება, მაგრამ შეუძლებელია ამ წნეხს გაუძლოს ისეთმა უხერხემლო რეჟიმმა და ისეთმა უხერხემლო ფიგურამ, როგორც ივანიშვილია“, - განაცხადა ბოკერიამ.

მისივე თქმით, ივანიშვილს მოუწევს შეგუება იმასთან, რომ ქართული საზოგადოება ტყუილს არ გადაყლაპავს.

„თავის დროზე შიდა და გარე წნეხს ვერ გაუძლო და დაპირდა საზოგადოებას პროპორციულ არჩევნებს, მერე ჩაატარა კვლევები და ნახა, რომ არჩევნებს აგებს და აგონიაში მიიღო ეს გადაწყვეტილება. ახლა მოუწევს შეგუება იმასთან, რომ ამას ქართველი საზოგადოება არ გადაყლაპავს. ოპოზიციის გაერთიანება და გზავნილი არის იმაზე, რომ უნდა იყოს ვადამდელი პროპორციული არჩევნები. ნებისმიერი გზა, რომელიც აქამდე მიგვიყვანს, არის მისაღები მთელი სპექტრისთვის. ყველაზე სწრაფი გზა არის 76 ხმით ე.წ. გერმანული მოდელი, სადაც მაჟორიტარები არიან, მაგრამ ჯამში ყველა პარტია იმდენ ადგილს იღებს, რამდენ ხმასაც მიიღებს მთელ ქვეყანაში. მას ადრე თუ გვიან მოუწევს იმის გაცნობიერება, რომ მან სახიფათო გზაზე დააყენა ქვეყანა და მისთვის ჯობს პერსონალურად, რომ დროზე მოეგოს გონს“, - განაცხადა ბოკერიამ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა