პარლამენტის შენობის წინ, აქციის მონაწილეებთან ერთად ოპოზიციის წარმომადგენლები, მათ შორის „ნაციონალური მოძრაობის“ ლიდერი გრიგოლ ვაშაძე, პარტიის წევრი ლევან ბეჟაშვილი და სამოქალაქო აქტივისტები იმყოფებიან. აქციის მონაწილეებს რუსთაველის გამზირზე კარვები აქვთ გაშლილი. რამდენიმე საათის წინ პარლამენტთან გაერთიანებული ოპოზიციის "ძალა ერთობაშიას" წარმომადგენლებმა კიდევ ერთი კარავი გაშალეს. მათი განცხადებით, კარავში სამუშაო შეხვედრები გაიმართება.
აქციის მონაწილეები აცხადებენ, რომ ისინი იქამდე გააგრძელებენ უწყვეტ პროტესტს, ვიდრე მათი მოთხოვნები არ დაკმაყოფილდება.