მამუკა ხაზარაძე - ივანიშვილის სიტყვას ფასი აღარ აქვს

ივანიშვილი რაზე წავა, ამას უკვე მნიშვნელობა აღარ აქვს - დღეს მის სიტყვას ფასი აღარ აქვს,- ამის შესახებ „ინტერპრესნიუსს“ მოძრაობა „ლელოს“ დამფუძნებელმა მამუკა ხაზარაძემ განუცხადა.

როგორც მან აღნიშნა, „ლელო“ მშვიდობიანი პროტესტის მომხრეა და ყველაფერი უნდა გაკეთდეს იმისთვის, რომ სწორედ პროტესტი გახდეს მთავარი იარაღი შედეგების მისაღებად.

ხაზარაძე ამბობს, რომ თუ ქვეყანა არჩევნების პროპორციულ სისტემაზე 2020 წელს არ გადავა, ქვეყანა ჩრდილოეთისკენ წავა.

"მე და ჩემი თანაგუნდელები ვართ პარლამენტის წინ იმისთვის, რომ თითოეული თქვენგანის თავისუფლება დავიცვათ, თავისუფალი არჩევანი დავიცვათ, რომელიც წაგვართვეს, რომელსაც დაპირდნენ ახალგაზრდებს, საზოგადოებას 20-21 ივნისის მერე და ასე მწარედ მოატყუეს ქართული საზოგადოება. ივანიშვილი რაზე წავა, ამას უკვე დიდი მნიშვნელობა აღარ აქვს დღეს იმიტომ, რომ ივანიშვილმა ისე მოატყუა დაპირებებით, მთელი თავისი პოლიტიკით საზოგადოება, რომ მის სიტყვას ფასი აღარ აქვს. ერთადერთი გამოსავალია საერთაშორისო დიპლომატიის ჩარევით სასწრაფოდ მოხდეს დიალოგის დაწყება და ამ კანონის შემოტრიალება პარლამენტში. ამის მიღება შესაძლებელია გაზაფხულზე, რომ ქვეყანა გადავიდეს ცივილურ, პროპორციულ არჩევნების სისტემაზე, სხვა შემთხვევაში, ქვეყანა მიდის სხვაგან, წავა ჩრდილოეთისკენ და გადავარდება უკან რამდენიმე ათეული წლით. „ლელოს“ გუნდი ემხრობა მხოლოდ მშვიდობიან აქციებს, არანაირი ძალადობა, კანონდარღვევა. ყველაფერი უნდა გავაკეთოთ იმისთვის, რომ ხმა და პროტესტი გახდეს მთავარი იარაღი. მოტყუებას არავის შევარჩენთ იმიტომ, რომ იმდენჯერ შევარჩინეთ, რომ აღმოვჩნდით ტყუილების ქვეყანაში,"- განაცხადა მამუკა ხაზარაძემ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის