აქციის მონაწილეები და ოპოზიციის წარმომადგენლები პარლამენტის პიკეტირებულ შესასვლელებთან კარვებს შლიან.
„ევროპული საქართველოს“ ერთ-ერთი ლიდერის, გიგი უგულავას განცხადებით, იქნება 5 კარავი.
„24 საათის განმავლობაში კარვები იქნება გაშლილი. „ქართული ოცნების“ წევრები ვერ შევლენ პარლმენტში. ესაა მშვიდობიანი, არაძალადობრივი ფორმა, რომლითაც ჩვენ გამარჯვებამდე მივალთ. პარლამენტში ვერ შევლენ, სანამ მოთხოვნებს არ დააკმაყოფილებენ. დეპუტატებს რამდენი შევუშვებთ პალამენტში, იმდენი რაღაცას დააშავებენ. სხვა გამოსავალი არ არის. მზად ვართ, ბოლომდე ვიდგეთ აქ. წავიდნენ შვებულებაში გავიდნენ, დაისვენონ. ახალი წელი უკვე დაუდგათ ამ უპატრონოებს“, - განაცხადა უგულავამ.