დავით საგანელიძე სომხეთის პრეზიდენტს შეხვდა

„საპარტნიორო ფონდის“ აღმასრულებელი დირექტორი ოფიციალური ვიზიტით სომხეთში იმყოფებოდა. ვიზიტის ფარგლებში დავით საგანელიძე სომხეთის პრეზიდენტს არმენ სარქისიანს შეხვდა. შეხვედრა სომხეთის პრეზიდენტის სასახლეში შედგა.

როგორც „ინტერპრესნიუსს“ „საპარტნიორო ფონდიდან“ აცნობეს, მხარეებმა სომხეთ–საქართველოს ეკონომიკური ურთიერთობების გაღმავებაზე, ერთობლივი საინვესტიციო პროექტების პერპექტივებზე, ამ მიმართულებით ფონდის, როგორც სახელმწიფო–საფინანსო ინსტიტუტის როლზე ისაუბრეს. ასევე ხაზი გაუსვეს ერთობლივი წარმატებული პროექტების განხორცილებისთვის, საქართველოს მხრიდან ევროპასთან და ჩინეთთან არსებული თავისუფალი სავაჭრო ურთიერთობების და სომხეთის მხრიდან სამხრეთის მიმართულებით არსებული შესაძლებლობების მნიშვნელობას.

მათივე ინფორმაციით, შეხვედრას სომხეთში საქართველოს ელჩი და ანალოგიური საფინანსო ინსტიტუტის, „სომხეთის ეროვნული ინტერესების ფონდის“ ხელმძღვანელი ესწრებოდნენ.

„ჩვენ მეზობელი ქვეყნები ვართ და ერთმანეთი უნდა გავაძლიეროთ. საქართველო და სომხეთი პატარა ქვეყნები არიან და მათთვის ძალიან მნიშვნელოვანია სინერგიის არსებობა და ურთიერთობების განმტკიცება. ორივე ქვეყანას აქვს დიდი პოტენციალი და ეს შესაძლებლობები ერთობლივი, მასშტაბური ბიზნესპროექტების განსახორციელებლად უნდა გამოვიყენოთ. ასეთი პარტნიორობით ხელს შევუწყობთ საქართველოსა და სომხეთის ეკონომიკურ განვითარებას“, - აღნიშნა „საპარტნიორო ფონდის“ აღმასრულებელმა დირექტორმა დავით საგანელიძემ.

მათივე ცნობით, სომხეთში ოფიციალური ვიზიტის ფარგლებში „საპარტნიორო ფონდის“ აღმასრულებელი დირექტორი სომხეთის ეკონომიკის მინისტრს ტიგრან ხაჩატურიანს შეხვდა.

„სომხეთის ეკონომიკის მინისტრმა ოფიციალურ შეხვედრაზე განსაკუთრებით გაუსვა ხაზი სომხეთ-საქართველოს შორის პარტნიორულ ურთიერთობებს და საქართველოს ეკონომიკის განვითარებისთვის „საპარტნიორო ფონდის“, როგორც უმსხვილესი სახელმწიფო-საფინანსო ინსტიტუტის საქმიანობის მნიშვნელობას. ასევე ისაუბრა ორივე ქვეყნისთვის ურიერთგამოცდილებების გაზიარებისა და ერთობლივი საინვესტიციო პროექტების განხორციელების მნიშვნელოვან და სასარგებლო როლზე.

დავით საგანელიძემ ერევანში ოფიციალური ვიზიტისას საქმიანი შეხვედრა გამართა სომხეთში ანალოგიური საფინანსო ინსტიტუტის“ სომხეთის ეროვნული ინტერესების ფონდის“ ხელმძღვანელ დავიდ ფაფაზიანთან და ასევე ადგილობრივი ბიზნეს წრეების წარმომადგენლებთან. ესტუმრა რამდენიმე მასშტაბურ, სასაწყობე და ლოგისტიკურ ცენტრს“, - ნათქვამია ინფორმაციაში.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ