პარლამენტის პიკეტირების გამო, ბიუროს სხდომა დღეს, სავარაუდოდ, აღარ გაიმართება. სხდომა 15:00 საათზე იყო დაანონსებული, თუმცა პარლამენტში მმართველი გუნდის წევრები არ მისულან, რის გამოც სხდომა ჯერჯერობით ვერ იწყება.

საკანონმდებლო ორგანოსთან დილიდან მხოლოდ სამი დეპუტატი - რევაზ არველაძე, მერაბ ქვარაია და გია ჟორჟოლიანი იმყოფებოდა, სხვა დეპუტატები კი პარლამენტთან არ გამოჩენილან.

როგორც ცნობილია, პარლამენტის ყველა შესასვლელი პიკეტირებულია. შესაბამისად, აქციის მონაწილეების პროტესტის გამო, არველაძემ, ქვარაიამ და ჟორჟოლიანმა საკანონმდებლო ორგანოში შესვლა ვერ შეძლეს და ტერიტორია პოლიციის დახმარებით დატოვეს.