თბილისის საქალაქო სასამართლოში, 20 ივნისის აქციაზე დაკავებული 4 პირის პროცესზე ბრალდების მხარის მოწმეები დაიკითხებიან

თბილისის საქალაქო სასამართლოში 20 ივნისის აქციაზე დაკავებული პირების: გიორგი ბუდაღაშვილის, ბესიკ თამლიანის, ცოტნე სოსელიასა და კახაბერ კუპრეიშვილის პროცესი იმართება. დღევანდელ სასამართლო პროცესზე ბრალდების მხარის მოწმეები დაიკითხებიან.

როგორც გიორგი ბუდაღაშვილისა და ბესიკ თამლიანის ადვოკატმა, ალექსანდრე იაშვილმა აღნიშნა, დღევანდელ პროცესზე მოწმეებად სავარაუდოდ, პოლიციის თანამშრომლები გამოიკითხებიან.

„ბრალდების მხარეს ამ ეტაპისთვის ჩვენთვის არ მოუწოდებია ინფორმაცია, კონკრეტულად რამდენი მოწმეა გამოძახებული. ზოგადად ვიცით, რომ რამდენიმე მოწმეს წარმოადგენენ. სავარაუდოდ, ეს იქნებიან პოლიციის თანამშრომლები და ისევე როგორც წინა შემთხვევაში, ახლაც ვვარაუდობთ, რომ მათი ჩვენება ცალსახად და ერთმნიშვნელოვნად დაადასტურებს ჩვენი დაცვის ქვეშ მყოფების უდანაშაულობას და იმას, რომ ბრალდება არის ტენდენციური," - განაცხადა ვახტანგ იაშვილმა.

ამასთან, ადვოკატის ცნობით, მოსამართლემ წინა სხდომიდან გაძევებული ბესიკ თამლიანის შუამდგომლობა დააკმაყოფილა და ის „თვითონ მიიღებს მტკიცებულებების გამოკვლევაში მონაწილეობას".

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე