თუ ივანიშვილს ჰგონია, რომ გაგვწუწა და მოგვერევა, ცდება,- ამის შესახებ ჟურნალისტებს „სამოქალაქო მოძრაობის“ ლიდერმა ალეკო ელისაშვილმა პარალმენტის შენობასთან განუცხადა, სადაც ამ ეტაპზე სამართალდამცავები აქციის დაშლას ცდილობენ.
„ ვინ ვის დაარბევს ვნახავთ, თუ გონია, რომ გაგვწუწა და მოგვერევა და შეგვაშინებს, ცდება. არჩევნებს ვითხოვთ, ამაზე სამართლიანი რა შეიძლება მოვითხოვოთ?დედას ვუტირებთ, აი ამას ვაპირებთ”, - განაცხადა ელისაშვილმა.
ცნობისთვის, პარლამენტის სამივე შესასვლელთან სპეცრაზმია მობილიზებული. სპეცდანიშნულების რაზმი პარლამენტის შენობის მიმდებარე ტერიტორიის აქციის მონაწილეებისგან გათავისუფლებას ცდილობს. სპეცრაზმი იმყოფება როგორც ჩიტაძის ქუჩაზე, ასევე ზუბალაშვილების ქუჩასა და რუსთაველის გამზირზე. აქციის დასაშლელად რამდენჯერმე მოხდა წლის ჭავლის გამოყენება.