პრეზიდენტო ჩაერიე სანამ დროა, ეს კონსტიტუცია სახელმწიფოს მეთაურობას რომ გავალებს ის სახელმწიფოა დღეს ხიფათში და საფრთხეში, - ამის შესახებ ნათქვამია მოძრაობა „შენების“ ლიდერის, დავით უსუფაშვილის მიმართვაში.
ამასთან უსუფაშვილი მიმართავს „ქართული ოცნების“ თავმჯდომარეს, ბიძინა ივანიშვილს.
„მე მივმართავ ბიძინა ივანიშვილს, პირადად მას, მომეცით საშუალება პირადად მე, რომ იმ კოლეგებს ოპოზიციიდან, ვინც უფრო რადიკალური ნაბიჯების მომხრეები არიან, რაიმე არგუმენტი მივუტანო იმისა, რომ არის იმედი და საშუალება წინსვლის და იმ სიტყვის შესრულების, რომელზეც ყველა ვიყავით შეთანხმებული“, - ნათქვამია მიმართვაში.