"გირჩის" ლიდერი ზურა ჯაფარიძე გათავისუფლდა. ამის შესახებ აქციის ორგანიზატორმა ნოდარ რუხაძემ ცოტა ხნის წინ პარლამენტის წინ სიტყვით გამოსვლისას განაცხადა.
"მინდა გითხრათ სასიხარულო ამბავი, ზურა ჯაფარიძე თავისუფალია", - განაცხადა რუხაძე.
არსებული ინფორმაციით, პარლამენტთან დღეს მოძრაობა „სირცხვილიას“ ლიდერები - გიგა მაქარაშვილი და ზუკა ბერძენიშვილი, ასევე „გირჩის“ ლიდერი ზურა ჯაფარიძე დააკავეს.
„ინტერპრესნიუსი“ აღნიშნულთან დაკავშირებით შინაგან საქმეთა სამინისტროს დაუკავშირდა, თუმცა უწყებაში ინფორმაციას არც უარყოფდნენ და არც ადასტურებდნენ.
შეგახსენებთ, პარლამენტთან მიმდინარე აქცია სპეცრაზმმა სპეციალური ტექნიკის დახმარებით დაშალა. რუსთაველის გამზირი გაწმენდილია კარვებისგან. სპეციალური დანიშნულების რაზმმა აქციის მონაწილეთა წინააღმდეგ რამდენჯერმე წყლის ჭავლი გამოიყენა.