ელენე ხოშტარია - აჩიკო თალაკვაძევ, პირობას გაძლევ, მაგ ბოქლომს ჩემი ხელით დაგაჭერინებ ხელში

აჩიკო თალაკვაძევ, მართლა რომ დაგიჯერებია, რომ რაღაცის თავმჯდომარე ხარ, მაგ ბოქლომის ჭერა ბევრჯერ მოგიწევს, ჩემი ხელით დაგაჭერინებ ხელში, პირობას გაძლევ, - ასე მიმართა „ევროპული საქართველოს“ ერთ-ერთმა წევრმა, ელენე ხოშტარიამ საქართველოს პარლამენტის თავმჯდომარეს არჩილ თალაკვაძეს, რომელმაც დღეს ბიუროს სხდომაზე ის ბოქლომი და ჯაჭვი მიიტანა, რომელიც პარლამენტის ჭიშკარზე აქციის მონაწილეებმა დაკიდეს.

ხოშტარიას განცხადებით, „დღეს ხელისუფლება იყო უსუსური, მარტოდ დარჩენილი და საცოდავი, რომელმაც ძალის დემონსტრირებისთვის შოუ მოაწყო“.

მან ასევე ისაუბრა აქციის დაშლისას დაკავებულებზე და აღნიშნა, რომ მათი სასამართლო ხვალ გაიმართება, სადაც აქტივისტები აუცილებლად მივლენ.

„თაბუკაშვილის განყოფილებაში არის 13 ადამიანი, 4 ადამიანი ხელიდან გამოვტაცეთ პოლიციას, აქედან ორი არასრულწლოვანი პირდაპირ პოლიციის მანქანიდან და დამფრთხალმა პოლიციამ ვერც ვერაფერი ქნა, სამი ადამიანია კრწანისში და ხვალ დილით იქნება მათი სასამართლო. აუცილებლად უნდ ამივიდეთ და ვანახოთ, ბიძინა ივანიშვილს, რომ დაჭერით კი არა, ვერაფრით ვერ შეგვაშინებს, რამდენჯერაც ამ მასკარადს მოგვიწყობს. ეს რა მასკარადი იყო, ჩააცვა რაღაცები, ნიღბები დააფარა და რა ჰგონია, რომ რამე დაგვამხობს ჩვენ? ბიძინა, პირდაპირ გეუბნები, პიკეტირებაც იქნება, ბლოკირებაც, გადაკეტვაც იქნება და შენი წასვლაც იქნება. თქვენ უნამუსოებო, დაპატიმრებული ხალხი გვყავს ცხინვალში და ვის ებაქიბუქებით აქ, რუსთაველზე? ფეხებს ვერ მოგვჭამთ. ჩვენ არა თუ გაჩერებას არ ვაპირებთ, ძალიან მტკიცედ გაგაცნობთ ჩვენს ყველა გეგმას და გავაგრძელებთ ისეთივე შემართებით, როგორც გავატარეთ გუშინდელი ღამე“, - განაცხადა ხოშტარიამ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის