„ევროპული საქართველოს“ ერთ-ერთი წევრის, ელენე ხოშტარიას ინფორმაციით, თაბუკაშვილის განყოფილებაში აქციის დაშლისას დაკავებული 13 ადამიანი იმყოფება. ამის შესახებ მან პარლამენტის შენობის წინ განაცხადა.
მისი თქმით, დაკავებულების სასამართლო ხვალ გაიმართება, სადაც აქტივისტები აუცილებლად მივლენ.
„თაბუკაშვილის განყოფილებაში არის 13 ადამიანი, 4 ადამიანი ხელიდან გამოვტაცეთ პოლიციას, აქედან ორი არასრულწლოვანი პირდაპირ პოლიციის მანქანიდან და დამფრთხალმა პოლიციამ ვერც ვერაფერი ქნა, სამი ადამიანია კრწანისში და ხვალ დილით იქნება მათი სასამართლო. აუცილებლად უნდ ამივიდეთ და ვანახოთ ბიძინა ივანიშვილს, რომ დაჭერით კი არა, ვერაფრით ვერ შეგვაშინებს”, - განაცხადა ხოშტარიამ.