პარლამენტთან, მოძრაობა "სირცხვილიას" ლიდერების გადაწყვეტილებამ, რომ აქცია დღეს დასრულებულიყო და პროტესტი ხვალ, 19:00 საათზე გაეგრძელებინათ, აქციის მონაწილეების ნაწილში პროტესტი გამოიწვია.
როგორც ერთ-ერთმა აქტივისტმა, დიმიტრი ლიპარტელიანმა განაცხადა, ის თავის მეგობრებთან ერთად, მთელი ღამის განმავლობაში აპირებს დარჩენას. მისივე თქმით, ისინი კარვის მიტანას და კასრებში ცეცხლის დანთებას კვლავ აპირებენ. აქციის ორგანიზატორები აცხადებენ, რომ ისინი აქციის დაშლის მომხრე არიან, თუმცა ვისაც სურვილი აქვს, შეუძლიათ ღამე გაათენონ.
პარლამენტთან ვადამდელი პროპორციული არჩევნების მოთხოვნით გამართული აქცია დასრულდა. მოძრაობა "სირცხვილიას" წარმომადგენლები 19 ნოემბერს, 10:00 საათზე, თბილისის საქალაქო სასამართლოში მისვლას აპირებენ, რათა აქციის დარბევისას დაკავებულ აქტივისტებს მხარდაჭერა გამოუცხადონ. ამასთან, როგორც აქციის ორგანიზატორმა შოთა დიღმელაშვილმა სიტყვით გამოსვლისას განაცხადა, ხვალ, 19:00 საათზე, პარლამენტთან აქცია განახლდება, მანამდე კი აქციის მონაწილეები ოპოზიციონერ ლიდერებთან ერთად სამოქმედო გეგმას დასახავენ.