მაიკ პომპეო - მდინარე იორდანეს დასავლეთ სანაპიროზე ებრაული დასახლებების არსებობა საერთაშორისო კანონს არ ეწინააღმდეგება

აშშ მდინარე იორდანეს დასავლეთ სანაპიროზე მდებარე ებრაული დასახლელების მიმართ პოზიციას ცვლის და აცხადებს, რომ მათი არსებობა საერთაშორისო კანონმდებლობასთან შეუსაბამობაში არ არის, - ამის შესახებ ინფორმაციას „ბიბისი“ ავრცელებს.

გამოცემის ცნობით, აშშ-ის სახელმწიფო მდივანმა მაიკ პომპეომ განაცხადა, რომ დასავლეთ სანაპიროს სტატუსი ებრაელებმა და პალესტინელებმა მოლაპარაკებების შედეგად უნდა განსაზღვრონ.

„იურიდიული დებატების ორივე მხარის ყურადღებით შესწავლის შემდეგ, აშშ-მ მიიჩნია, რომ დასავლეთ სანაპიროზე ებრაული დასახლელების დაარსება, არსობრივად არ ეწინააღმდგება საერთაშორისო კანონს,“ განაცხადა მაიკ პომპეომ.

მისივე განმარტებით, იმის მტკიცებამ, რომ ამ დასახლებების დაფუძნება საერთაშორისო კანონმდებლობასთან შეუსაბამობაშია, „ვერ იმუშავა“ და „ხელი ვერ შეუწყო მშვიდობის დამყარებას.“

პალესტინის მხრიდან მოლაპარაკებების შუამავალმა საებ ერეკატმა განაცხადა, რომ აშშ-ის გადაწყვეტილება რისკს უქმნის „გლობალურ სტაბილურობას, უსაფრთხოებასა და მშვიდობას“ და საერთაშორისო კანონმდებლობის „ჯუნგლების კანონით“ ჩანაცვლების საშიშროებას აჩენს.

ისრაელის პრემიერ-მინისტრმა ბენიამინ ნათანიაჰუმ კი აღნიშნა, რომ აღნიშნულ დასახლებებთან დაკავშირებით აშშ-ის პოლიტიკის შეცვლამ „ისტორიული შეცდომა გაასწორა“ და მსგავსი ნაბიჯის გადადგმისკენ სხვა ქვეყნებსაც მოუწოდა.

შეგახსენებთ, რომ ებრაული დასახლებების საკითხი ებრაელებსა და პალესტინელებს შორის არსებული ერთ – ერთი ყველაზე სადავო საკითხია. ისრაელს მდინარე იორდანიის დასავლეთ სანაპირო 1967 წლიდან აქვს ოკუპირებული. დასავლეთ სანაპიროსა და აღმოსავლეთ იერუსალიმში მდებარე 140-მდე დასახლებაში დაახლოებით 600,000 ებრაელი ცხოვრობს. საერთაშორისო კანონმდებლობის თანახმად, აღნიშნული დასახლებული პუნქტები არალეგალურად ითვლება, თუმცა ისრაელი ამ პოზიციას არ ეთანხმება.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)