ხატია დეკანოიძე - საქართველოში მყარდება ძალიან დიდი და მყარი რესურსის მქონე დიქტატურა

რეალურად უნდა ითქვას, რომ საქართველოში მყარდება ძალიან დიდი და მყარი რესურსის მქონე დიქტატურა, - ამის შესახებ „ერთიანი ნაციონალური მოძრაობის“ პოლიტიკური საბჭოს წევრმა ხატია დეკანოიძემ ჟურნალისტებთან საუბრისას განაცხადა.

დეკანოიძე აქციის დაშლისას დაკავებულთა მხარდასაჭერად სასამართლოში მივიდა.

მისი თქმით, ქვეყანამ მიიღო ახალი რეალობა, რომელშიც ივანიშვილის პოლიტპატიმრების რაოდენობა იზრდება.

“გუშინ დააკავეს რამდენიმე აქტივისტი და აქციის ორგანიზატორი, ასევე დააკავეს გიორგი რურუა, რომელსაც ედავებიან იარაღის უკანონოდ შენახვას ყოველგვარი მტკიცებულებების გარეშე. ჯერ უცნობია, როდის გაიმართება გიორგის სასამართლო.

ამიტომ ჩვენ მივიღეთ ახალი რეალობა საქართველოში, როდესაც პოლიტიკური პატიმრების რაოდენობა იზრდება და ეს პოლიტპატიმრები არიან ივანიშვილის პატიმრები, რომლებსაც საერთაშორისო პრესამ უწოდა “მინდა პუტინი ვიყო”. შესაბამისად, ჩვენი გეგმები არ იცვლება, დღეს იქნება ისევ ოპოზიციური პარტიების შეკრება, კოორდინაცია სამოქალაქო სექტორთან და საღამოს 19:00 საათზე გაიმართება აქცია. ასევე, გაგრძელდება პროტესტის ძალიან ბევრი ფორმა და ჩვენი მოთხოვნებიც არ შეიცვლება - ესაა ვადამდელი პროპორციული არჩევნები. მე არასდროს ვენდობი ამათ მართლმსაჯულებას, მაგრამ დიდი იმედი მაქვს, რომ გათავისუფლდებიან ახალგაზრდები და ასევე, დიდი იმედი მაქვს, რომ კეთილგონიერება ეყოფა სასამართლოს გიორგი რურუას შემთხვევაშიც”, - განაცხადა დეკანოიძემ.

შეგახსენებთ, 18 ნოემბერს, პარლამენტის შენობასთან მიმდინარე აქციის დროს 37 ადამიანი დააკავეს, მათ შორის არიან ადვოკატი ბექა ბასილაია, მოძრაობა „სირცხვილიას“ ორგანიზატორები - გიგა მაქარაშვილი და ზუკა ბერძენიშვილი.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო