ვხედავთ ახლად გამოჩეკილი ქვეყნის მმართველის, ხუნდაძის სრულიად ცინიკურ და ანეკდოტურ ინიციატივას, რომ თითქოს საერთოდ არ გვჭირდება შერეულ სისტემაშიც კი პარტიული სიით არჩეული დეპუტატები და მხოლოდ მორჩილი ფეოდალები უნდა მართავდნენ ამ ქვეყანას, - ამის შესახებ „ევროპული საქართველოს“ წევრმა ირაკლი აბესაძემ განაცხადა.

როგორც აბესაძემ აღნიშნა, „ანეკდოტური და ტრაგიკომიკური სიტუაცია აუცილებლად დასრულდება პირველივე არჩევნებზე და ივანიშვილს ეს ტრიუკები ნამდვილად არ უშველის“.

„ივანიშვილის მმართველობის ტრაგიკომედია სრულად გაიშალა ბოლო პერიოდში. ვხედავთ ახლად გამოჩეკილი ქვეყნის მმართველის ხუნდაძის სრულიად ცინიკურ და ანეკდოტურ ინიციატივას, რომ თითქოს საერთოდ არ გვჭირდება შერეულ სისტემაშიც კი პარტიული სიით არჩეული დეპუტატები და მხოლოდ მორჩილი ფეოდალები უნდა მართავდნენ ამ ქვეყანას. მეორეს მხრივ, ჩვენ ვხედავთ იგივე ივანიშვილისგან ხელდასმული პრეზიდენტი როგორ ასრულებს საკუთარი თავისთვის ანტიკვარიატის შეძენას. ეს ყველაფერი იმ ფონზე, როდესაც ხელისუფლება აგრძელებს უხეშ ძალადობას საკუთარ მოსახლეობაზე, როდესაც ხელისუფლება აგრძელებს იმ თემის ძალით ჩახშობას და გადაფარვას, რომ ივანიშვილმა ცალსახა ტყუილით საზოგადოება კიდევ ერთხელ შეიყვანა მძიმე კრიზისში, როდესაც მათ სამართლიანი არჩევის უფლების მიცემაზე უარი უთხრა. ეს ანეკდოტური და მართლაც ტრაგიკომიკური სიტუაცია აუცილებლად დასრულდება პირველივე არჩევნებზე და ივანიშვილს ეს ტრიუკები ნამდვილად არ უშველის“, - განაცხადა აბესაძემ.