რომან გოცირიძე ინტელიგენტი კაცია, არ არის მათ შორის, ვისი აზროვნებაც ბოქლომების იქით ვერ მიდის,- ამის შესახებ პარლამენტის თავმჯდომარემ არჩილ თალკვაძემ ჟურნალისტებს ფრაქცია "ნაციონალური მოძრაობის" თავმჯდომარის რომან გოცირიძის პერფორმანსთან დაკავშირებით განუცხადა.

მისი თქმით, პარლამენტის პლენარულ სხდომათა დარბაზს ვერავინ ჩაკეტავს.

„როგორც ჩანს, თავისმა თანაპარტიელებმა მას სთხოვეს, რომ ასეთი ჟესტი გაეკეთებინა, თუმცა ვერავინ ჩაკეტავს პლენარულ სხდომათა დარბაზს. მომავალ კვირას არის პლენარული სხდომა და ის ჩატარდება ჩვეულებრივ", - განაცხადა არჩილ თალაკვაძემ.

შეგახსენებთ, რომ ფრაქცია „ნაციონალური მოძრაობის“ თავმჯდომარე რომან გოცირიძემ პარლამენტის პლენარულ სხდომათა დარბაზი დალუქა.