ყველაფერი ის, რაზეც შევთანხმდით, ძალაში რჩება. იქნება მწვავე პროტესტი, - ამის შესახებ ჟურნალისტებს „ნაციონალური მოძრაობის“ ერთ-ერთმა ლიდერმა ნიკა მელიამ ჟურნალისტებს ოპოზიციური პარტიების ლიდერების შეხვედრის დასრულების შემდეგ განუცხადა.
როგორც მელია აცხადებს, პროტესტი მხოლოდ ერთ და ორ ადგილას არ იქნება.
„ყველაფერი ის, რაზეც დღეების განმავლობაში აქ შევთანხმდით, რჩება ძალაში. მეტიც, კიდევ უფრო მტკიცეა შეთანხმება განსხვავებულ პარტიებს შორის. რა თქმა უნდა, იქნება მწვავე პროტესტი, არა მხოლოდ ერთ და ორ ადგილას, იქნება უკომპრომისო პროტესტი ამ უსამართლობის წინააღმდეგ, რომელსაც ადგილი აქვს ივანიშვილის მხრიდან,“ -აღნიშნა მელიამ.