შვედეთი „ვიკილიქსის“ დამფუძნებლის, ჟულიან ასანჟის წინააღმდეგ გამოძიებას წყვეტს. ინფორმაციას შვედ პროკურორზე დაყრდნობით „როიტერსი“ ავრცელებს.
”დამატებითი გამოძიების დროს, რომელიც ჩატარდა ზაფხულსა და შემოდგომაზე, აშკარა გახდა, რომ გამოძიებაში გამოყენებული ზეპირი მტკიცებულებები საკმარისად დამაჯერებელი არ იყო. ეს განპირობებულია იმით, რომ ინციდენტიდან დიდი დრო გავიდა და ბუნებრივია, მეხსიერება ქრება“,- თქვა პროკურორმა პრესკონფერენციაზე.
2010 წელს, ჟულიენ ასანჟი შვედეთში სექსუალურ შევიწროებასა და გაუპატიურებაში დაადანაშაულეს. ასანჟი აღნიშნულ ბრალდებებს კატეგორიულად უარყოფადა. მისი თქმით, ქალები, რომლებმაც მის წინააღმდეგ განცხადება შეიტანეს, მოქმედებდნენ შურისძიების მიზნით და პოლიციის გავლენის ქვეშ იმყოფებოდნენ.