ალეკო ელისაშვილი - "სამოქალაქო მოძრაობა" მაჟორიტარი ფეოდალების მხილების კამპანიას იწყებს

"სამოქალაქო მოძრაობა" რეგიონებში გასვლასა და მაჟორიტარი ფეოდალების მხილების კამპანიას იწყებს. ამის შესახებ მოძრაობის ლიდერმა ალეკო ელისაშვილმა დღეს გამართულ ბრიფინგზე ისაუბრა.

ელისაშვილის თქმით, ისინი ოპოზიციური ბრძოლის ფრონტიდან არ გადიან.

"დღეიდან ჩვენ ვიწყებთ რეგიონებში გასვლას და მაჟორიტარი ფეოდალების მხილების კამპანიას. ჩვენ ვამხელთ მათ ბიზნესს, მათ კორუფციას, მათ უკანონობას კონკრეტულ რაიონებზე. მხილების შემდეგ დარწმუნებული ვარ, რომ არათუ რუსთაველის გავსება იქნება პრობლემა, არამედ სულ რამდენიმე წუთი დარჩება "ქართულ ოცნებას" ხელისუფლებაში დარჩენის! ჩვენ ვაპირებთ კიდევ უფრო მძაფრი წინააღმდეგობის გაწევას იმისთვის, რომ მოვიპოვოთ პატიოსანი, ანუ პროპორციული წესით ჩატარებული ვადამდელი არჩევნები. ვხედავთ, რომ მოსახლეობის დიდი ნაწილისთვის გაუგებარია, თუ რა მასშტაბის პრობლემას ქმნის მაჟორიტარებისა და შერეული სისტემის არსებობა ქვეყნისათვის, როგორ მიჰყავს ამ სისტემას უკან ქვეყანა და როგორ არ აძლევს წინსვლისა და განვითარების საშუალებას. სწორედ ამიტომ, ჩვენ ვიწყებთ რეგიონებში გასვლას. ჩვენ ერთიანი ოპოზიციური ბრძოლიდან არ გავდივართ და ვრჩებით ამ ერთობლივ ფრონტზე და ეს იქნები ჩვენი ბრძოლის კომპონენტი ამ საერთო საქმეში", - განაცხადა ალეკო ელისაშვილმა.

ინფორმაციას „სამოქალაქო მოძრაობის“ პრესსამსახური ავრცელებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ