პარლამენტის შენობის წინ პროპორციული საარჩევნო სისტემის მოთხოვნით აქცია განახლდა. აქციის ორგანიზატორები, მოძრაობა „სირცხვილიას" წარმომადგენლები არიან. რუსთაველის გამზირზე, პარლამენტის შენობის წინ, აქციის მონაწილეებთან ერთად სხვადასხვა ოპოზიციური პარტიის ლიდერები იმყოფებიან.
აქციის ორგანიზატორებისა და ოპოზიციური პარტიის ლიდერების განცხადებით, ისინი დღეს ახალი სამოქმედო გეგმის შესახებ განაცხადებენ.
მოძრაობა "სირცხვილიას" წარმომადგენლის შოთა დიღმელაშვილის განცხადებით, ისინი ორშაბათისთვის, 24 ნოემბრისთვის მასშტაბური აქციისთვის ემზადებიან და პარლამენტის პიკეტირებას ისევ მოახდენენ.