გიგი უგულავა - 5 თვეში 2-ჯერ  არც ერთ ხელისუფლებას არ დაურბევია ხალხი

ხელისუფლება იქცევა სირაქლემასავით, რადგან მათი ერთადერთი პოზაა, ვითომ ქვეყანაში არაფერი არ ხდება მას შემდეგ, რაც ბიძინა ივანიშვილმა 20 ივნისი ჩაიდინა, - ამის შესახებ „ევროპული საქართველოს“ ლიდერმა, გიგი უგულავამ, პარლამენტთან მიმდინარე აქციაზე, სიტყვით გამოსვლისას განაცხადა.

უგულავას შეფასებით, მთავრობა ხალხს ატყუებს, ვითომ მუშაობენ და, მისი თქმით, სწორედ ამ მუშაობის შესაძლებლობა არ უნდა ჰქონდეს პარლამენტს და მთავრობას.

„ხელისუფლება იქცევა სირაქლემასავით, რაც იმას ნიშნავს, რომ იმ საუკუნის მზაკვრობის შემდეგ, რაც ივანიშვილმა ჩაიდინა, იმ საუკუნის გადაგდების შემდეგ, რაც ივანიშვილმა ჩაიდინა, 20 ივნისის შემდეგ, რაც ივანიშვილმა ჩაიდინა, მათი ერთადერთი პოზა არის, რომ ვითომ ქვეყანაში არაფერი არ ხდება. დამეთანხმებით, რომ ყველაზე გამაღიზიანებელი არის ეს, რომ ხელისუფლებას აქვს პოზა, რომ ვითომ არაფერი ხდება და ჩვენ ვიცით, რას ვაკეთებთო. ისინი თავს აჩვენებ, რომ თითქოს მუშაობენ და ჩვენ მათ არ უნდა მივცეთ მუშაობის საშუალება. ანუ თავის მოტყუების, ხალხის მოტყუების საშუალება, ვინაიდან ვთანხმდებით, რომ ისინი არ მუშაობენ, ისინი უბრალოდ იტყუებიან“, - განაცხადა უგლავამ.

როგორც უგულავამ აღნიშნა, არც ერთ შემთხვევაში, არ უნდა მოხდეს პიკეტირება და რადიკალური ბლოკირება იმ ობიექტების, რომლებიც ხალხისთვის სერვისს ახორციელებენ. მისი თქმით, ასეთი ობიექტი იუსტიციის სახლია.

„მაგალითად, ჩვენ არასდროს არ უნდა მოვახდინოთ პიკეტირება იუსტიციის სახლის, იმიტომ, რომ ის ხალხს ემსახურება, მაგრამ პარლამენტი ხალხს არ ემსახურება. აქ არანაირი სერვისი არ ხორციელდება. კანცელარიაში არანაირი სერვისი არ ხორციელდება. იქ შეიკრიბებიან პატიოსანი გვამები და საუბრობენ იმაზე, რაც არ აინტერესებს ხალხს“, - აღნიშნა უგულავამ.

მისივე თქმით, დღევანდელმა ხელისუფლებამ რეკორდი მოხსნა, ვინაიდან არც ერთ ხელისუფლებას არ დაურბევია ხალხი ასეთი ინტენსივობით და მათი ამოცანაც სწორედ ის არის, რომ ბიურის სხდომების ჩატარება ხელისუფლებას „დიდი პოლიტიკური ფასი დაუჯდეს“.

„ჩვენი ამოცანა ის კი არ იყო, ბიუროს სხდომა ჩატარდებოდა თუ არ ჩატარდებოდა, ეს ბიური დიდი არაფერია, გინდა ჩატარებულა და გინდა არა. ჩვენი ამოცანაა, რომ ყოველი ასეთი აქტი მოტყუების და მოჩვენების, როგორიც იყო მაგალითად, გუშინდელი ბიურო, ივანიშვილს და „ქართულ ოცნებას“ დაუჯდეს ძალიან დიდი პოლიტიკური ფასი, როგორიც იყო გუშინ. აი იმ უბედური, გაქუცული ბიუროს ჩასატარებლად, 3 000 პოლიციელი და სპეცრაზმელი გამოიყვანეს და რეკორდი მოხსნეს, იმიტომ, რომ 5 თვეში 2-ჯერ რუსთაველზე, არც ერთ ხელისუფლებას არ დაურბევია ხალხი ასეთი ინტენსივობით“, - განაცხადა უგულავამ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)