18 ნოემბრის აქციისას დაკავებულთა სასამართლო  პროცესზე დარბაზიდან სამი პირის გაძევებას ხმაური მოჰყვა

თბილისის საქალაქო სასამართლოში 18 ნოემბრის აქციის დროს დაკავებულების პროცესზე ხმაური იყო. ხმაური დარბაზიდან 3 პირის გაძევებას მოჰყვა. "ნაციონალური მოძრაობის" წევრმა გიორგი ბარამიძემ მათი დარბაზიდან გაყვანა გააპროტესტა და აღნიშნა, რომ მანდატურები რობოკოპებივით იქცევიან.

"რობოკოპებად აქციეთ მანდატურები. მინისტრი ვიყავი და კარგად ვიცი, როგორ იქცევა მოსამართლე და როგორ იქცევა მანდატური. მანდატური არის ძალიან ზრდილობიანი ქცევის მაგალითი. ჭიდაობას დაიწყებდა ეს გოგო?",- განაცხადა ერთ-ერთი პირის გაყვანის შემდეგ გიორგი ბარამიძემ.

დარბაზში მყოფი პირებს მოსამართლემ სიმშვიდისკენ მოუწოდა.

შეგახსენებთ, რომ რამდენიმე წუთის წინ თბილისის საქალაქო სასამართლოში 18 ნოემბერს გამართული აქციების დროს დაკავებულთა პროცესზე საქართველოს სახელმწიფო ჰიმნი შეასრულეს. დარბაზში დაკავებულებთან ერთად ჰიმნი დამსწრე საზოგადოებამაც იმღერა. ჰიმნის შესრულებას ტაში და ოვაციები მოჰყვა, რის შემდეგაც მოსამართლე ვალერიან ფილიშვილმა სამი პირი დარბაზიდან გააძევა.

ცნობისთვის, თბილისის საქალაქო სასამართლოში 18 ნოემბრის საპროტესტო აქციების დროს დაკავებული 6 პირის სასამართლო პროცესი თითქმის 4-საათიანი დაგვიანებით განახლდა. გიგა მაქარაშვილის, ირაკლი კაჭარავას, დიმიტრი ბიძინაშვილის, ირაკლი ნადირაძის, დავით მჟავანაძისა და პაატა სოსონაშვილის საქმეს მოსამართლე ვალერიან ფილიშვილი განიხილავს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს