თბილისის საქალაქო სასამართლოში იუსტიციის საბჭოს არამოსამართლე წევრი ნაზი ჯანეზაშვილი მივიდა. მისი თქმით, მანდატურებმა არ მისცეს საშუალება შეხვედროდა თბილისის საქალაქო სასამართლოს თავმჯდომარეს და იუსტიციის საბჭოს მოსამართლე წევრს ვასილ მშვენიერაძეს.

როგორც ჯანეზაშვილმა ჟურნალისტებს განუცხადა, მას სურდა ენახა ბრალდებულები.

"ძალიან არაორგანიზებული დახვდა სასამართლო სისტემა ამდენ საქმეს. მაინტერესებდა დაკავებულების ადგილსამყოფელი, ისინი სასამართლოში იმყოფებიამ. მე მინდა სასმართლო სისტემა ემსახურებოდეს ქვეყანას ისე, რომ არ დაირღვეს ადამიანების უფლებები. ამდენი ადამიანია სასამართლოში და სასამართლოს თავმჯდომარე არ ხვდება საორგანიზაციო საბჭოს დეპუტატებს. მე ყოველთვის მოვდიოდი სასამართლოში, მაგრამ ბოლო პერიოდში ამიკრძალეს და მომთხოვეს საშვი", - აცხადებს ჯანეზაშვილი.

ამ დროისთვის, მანდატურები საქალაქო სასამართლოს თავმჯდომარის კაბინეტის მიმდებარე ტერიტორიას გაძლიერებულად იცავენ.