ტელეკომპანია „მთავარი არხის“ ერთ-ერთი მეწილის, დაკავებული გიორგი რურუას მიმართ აღკვეთის ღონისძიების შეფარდებაზე სასამართლო, სავარაუდოდ, დღეს, 20 ნოემბერს იმსჯელებს. აღნიშნულის შესახებ "ინტერპრესნიუსს" გიორგი რურუას ადვოკატმა დიმიტრი საძაგლიშვილმა განუცხადა.
გიორგი რურუა სამართალდამცავებმა სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.