პოლონეთის პრემიერ-მინისტრი მატეუშ მორავეცკი აცხადებს, რომ ევროკავშირმა მეზობელ ქვეყნებს კავშირში გაწევრიანების რეალური პერსპექტივა უნდა შესთავაზოს. ამის შესახებ მან პოლონეთის სენატში სიტყვით გამოსვლის დროს განაცხადა.
მისი თქმით, თუ ევროკავშირის მეზობელ ქვეყნებს გაერთიანებიდან საიმედო გარანტია არ ექნებათ, მათ შეიძლება სხვა არჩევანი გააკეთონ.
„ჩვენ აღარ ვცხოვრობთ დასავლეთის აშკარა დომინირების ეპოქაში. შორეულ აღმოსავლეთში, ახლო აღმოსავლეთში და სამეზობლოში არიან საკმაოდ ძლიერი მოთამაშეები, რომლებიც ევროპის სისუსტით ისარგებლებენ. ევროკავშირი უნდა იყოს ღია ახალი წევრების მისაღებად. თუ ჩვენ მათ რეალურ პერსპექტივას არ შევთავაზებთ ამას ჩვენს ნაცვლად სხვები - რუსეთი, ჩინეთი და თურქეთი გააკეთებენ“, -განაცხადა მან.