თბილისში A კატეგორიის 13 ათასზე მეტი ტაქსია რეგისტრირებული, მეორე ეტაპზე კი ქიმწმენდის 500-მდე ვაუჩერი გაიცა

დედაქალაქში A კატეგორიის 13 ათასზე მეტი ტაქსია რეგისტრირებული, მეორე ეტაპზე კი ქიმწმენდის 500-მდე ვაუჩერი გაიცა, - ამის შესახებ დედაქალაქის მერმა მთავრობის სხდომის დაწყებამდე განაცხადა.

კალაძე ვარაუდობს, რომ ეს ოდენობა კიდევ შეიცვლება.

„საკმაოდ გაიზარდა A კატეგორიაში რეგისტრირებული მძღოლების ციფრი და ვფიქრობ, რომ მომდევნო თვეების განმავლობაში კიდევ უფრო გაიზრდება. მეორე ეტაპი დავიწყეთ ვაუჩერების გაცემის და გვაქვს რადიკალურად განსხვავებული სიტუაცია, ვიდრე იყო პირველ შემთხვევაში, იმ მოწოდებების შემდეგ რომელიც გაჟღერდა ჩვენ მიერ, დღეის მდგომარეობით 500-მდე ვაუჩერია გაცემული, როცა პირველ შემთხვევაში 87 ვაუჩერი გამოიყენეს მძღოლებმა მხოლოდ", - განაცხადა კალაძემ.

მისივე თქმით, მერიისთვის მთავარია ტაქსებში იყოს სისუფთავე, მოწესრიგებულობა და მოქალაქეებმა იგრძნონ თავი კომფორტულად.

იხილეთ ვიდეო:

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა