მიმდინარეობს შიდაპარტიული კონსულტაციები, მათი შედეგების მიუხედავად, მომავალ კვირას ჩემს პოზიციას და კონკრეტულ წინადადებას გაგაცნობთ, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ აკაკი ზოიძე განაცხადა, რითაც უპასუხა კითხვას მისი უმრავლესობიდან შესაძლო წასვლის თაობაზე.

მისი თქმით, აღნიშნულზე და სხვა პოლიტიკურ თემებზე ის მეტ კომენტარს არ გააკეთებს და მისი პოზიცია მიმდინარე საკითხებზე უახლოეს მომავალში გახდება ცნობილი.

„მკაფიოდ ვთქვი, რომ პაუზა მაქვს აღებული. მიმდინარეობს შიდა პარტიული კონსულტაციები. მათი შედეგების მიუხედავად, დიდხანს არ გავაგრძელებ ფიქრს, უახლოეს დღეებში, მომავალ კვირას ჩემ პოზიციას და კონკრეტულ წინადადებას გაგაცნობთ. ეს მხოლოდ პოზიცია არ იქნება, წინადადებაც იქნება",-განაცხადა აკაკი ზოიძემ.