მოძრაობა „შეცვალეს“ აქტივისტებმა კომპანია „ვისოლის“ სათაო ოფისთან ერთი ყუთი ვაზელინი მიიტანეს.

როგორც აქციის ორგანიზატორები „ინტერპრესნიუსთან“ საუბარში ამბობენ, მათ ამ ფორმით სურდათ გამოეხატათ პროტესტი კომპანიის ხელმძღვანელობის მიმართ, რომელიც „ქართული ოცნების“ მიმართ ლოიალურადაა განწყობილი.

„ვაზელინის დიდი ყუთი მივუტანეთ ფხაკაძეებს, იქიდან გამომდინარე, რომ ისინი შეხვდნენ პრემიერ-მინისტრს და ზოგადად თანამშრომლობენ „ქართულ ოცნებასთან“, იმ პოლიტიკურ ძალასთან, რომელმაც ახალგაზრდებს დასთხარა თვალები, რომლებმაც ჩვეულებად აქციეს ნეპოტიზმი, კორუფცია, კრიზისამდე მიიყვანეს ქვეყანა და უფსკრულში ჩეხავენ. ყველას მოვუწოდებთ, ნუ ჩაასხამენ საწვავს „ვისოლში“. ჩვენ ყველა იმ ბიზნესთან მივალთ, რომელიც „ქართულ ოცნებასთან“ თანამშრომლობს, მათაც მივუტანთ ვაზელინებს, რადგან ისინი ისტორიის არასწორ მხარეს დგანან“, - განაცხადა დიმიტრი ბიძინაშვილმა.