გადაჭრით მინდა ვთქვა, რომ ჩვენ არ ვფიქრობთ არანაირი პარტიის შექმნაზე, - ამის შესახებ უმრავლესობიდან წასულმა დეპუტატმა თამარ ჩუგოშვილმა მედიას სამომავლო გეგმებთან დაკავშირებით განუცხადა.
თამარ ჩუგოშვილის თქმით, ამ ეტაპზე მისი გეგმები მხოლოდ საპარლამენტო საქმიანობას უკავშირდება.
"პარტიის შექმნისთვის ჩვენ არც რესურსი გაგვაჩნია და ვერც კიდევ ერთი პარტიის შექმნის საჭიროებას ვხედავთ. პირიქით, მგონია, რომ ქვეყანაში ძალიან ბევრი პარტიაა. დროც არ ყოფილა, რომ ასეთ სერიოზულ და მთელი ცხოვრების გეგმებზე გვეფიქრა პოლიტიკაში, რადგან სულ რამდენიმე დღე გავიდა მას შემდეგ, რაც გადაწყვეტილება მივიღეთ.
ჩვენი გეგმები პირველ რიგში დაკავშირებულია დარჩენილი ერთი წლის განმავლობაში საპარლმენტო საქმიანობასთან და იმასთან, რომ ვადა ღირსეულად დავასრულოთ", -განაცხადა ჩუგოშვილმა.