18 ნოემბრის აქციის დაშლის შემდეგ დაკავებულების სასამართლო პროცესზე მცირე ხმაური იყო. სასამართლოს სხდომათა დარბაზში მყოფმა ერთ-ერთმა პირმა მოსამართლე ვალერიანე ფილიშვილის მისამართით თქვა, რომ „ბიძინა ივანიშვილის მონაა", რის გამოც მას სხდომათა დარბაზი დაატოვებინეს. ამ რეპლიკას დარბაზში ტაში მოჰყვა, რის გამოც მოსამართლემ კიდევ რამდენიმე დამსწრეს დარბაზი დაატოვებინა.
„ტაშის გამო მიშვებთ დარბაზიდან?" - იკითხა გაძევებულმა პირმა.
ამასთან, სასამართლო სხდომაზე ერთ-ერთმა დაკავებულმა დიმიტრი ბიძინაშვილმა განაცხადა, რომ დაკავების დღეს სამართალდამცავების მანქანა ავარიაში მოყვა, რაც სამართალდამცავმა ვერ გაიხსენა.