გუშინ ოქრუაშვილს 15 წლის წინანდელი ვითომ დანაშაული გაუხსენეს და საქმე აღძრეს. მაქსიმალურ ტერორზე არიან გადასულები და უნდათ, რომ შეგვაშინონ, მაგრამ ვერ შეგვაშინებენ, - ამის შესახებ „გამარჯვებული საქართველოს" წევრმა გურამ ჩალაგაშვილმა გენერალურ პროკურატურასთან განაცხადა, სადაც გაერთიანებულმა ოპოზიციამ აქცია პერფორმანსი მოაწყო და ჭიშკარზე ბოქლომი ჩამოკიდეს.
ჩალაგაშვილის თქმით, „ისინი დაბოქლომების პროცესს გააგრძელებენ“.
„მაინც ამოვთხრით, დავაბოქლომებთ და შედეგს მივიღებთ. ამ ბიჭებსაც ამოუვათ ყელში, გაიხდიან ფორმას და ჩვენ მხარეს გადმოვლენ, უდიპლომო რომ უზით აქ“, - განაცხადა ჩალაგაშვილმა.