ე.წ. გერმანული მოდელი საქართველოს რეალობაში არის ის, რითაც უპირატესობის მქონე პარტიას შეუძლია აიღოს საკონსტიტუციო ხმების უმრავლესობა,- ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებთან ოპოზიციის ინიციატივასთან დაკავშირებით განაცხადა.
ვოლსკი მიიჩნევს, რომ „გერმანული მოდელი“ საქართველოში ვერ იმუშავებს.
„არ ვიცი, ჩემი კოლეგები რას იტყვიან, მაგრამ მე სრული პასუხისმგებლობით მინდა ვთქვა, რომ, „გერმანული მოდელი“ საქართველოს რეალობაში არის ის, რითიც უპირატესობის მქონე პარტიას შეუძლია კიდევ აიღოს საკონსტიტუციო უმრავლესობა. ეს არ არის შერეული სისტემა, მანდატები ნაწილდება პროპორციული სისტემით და აქ სრული შესაძლებლობაა, რომ შექმნა მაჟორიტარების ჯგუფი ცალკე, ცალკე პროპორციულ სისტემაში არჩეულების და მერე შეაერთო, როცა ამას საჭიროდ ჩათვლი“, - განაცხადა გია ვოლსკიმ.