არ მინდა ცუდი ასოციაციაები გავაჩინო და დავემსგავსო ვიღაცებს, წარსულში რომ ცუდად იმუქრებოდნენ პროტესტთან დაკავშირებით,- ამის შესახებ ფრაქცია „ქართული ოცნების" თავმჯდომარე მამუკა მდინარაძემ პარლამენტის ბლოკირებასთან დაკავშირებით ოპოზიციის გეგმებზე საუბრისას ჟურნალისტებთან განაცხადა.
როგორც მან აღნიშნა, არ სურს, ხისტი პოზიცია დააფიქსიროს, თუმცა, კანონის დარღვევას სახელმწიფო ადეკვატურად უპასუხებს.
„ჩვენ უნდა ვიზრუნოთ ყველა ადამიანის, ნებისმიერი პროტესტანტის უფლების რეალიზაციაზე, მის ჯანმრთელობაზე, მაგრამ მეორე მხრივ თუ ასეთი ადამიანები, მათი ნაწილი აფიქსირებს, რომ დაარღვევს კანონს, ამას მოჰყვება ადეკვატური რეაგირება. კანონის დარღვევის აღკვეთაზეა საუბარი და არა მძიმე წარსული რომ გვაქვს და რაღაც რადიკალურ ზომებზე, ღმერთმა დაგვიფაროს,"- განაცხადა მამუკა მდინარაძემ.