ზვიად ძიძიგური - ოპოზიციას მორალური, ფსიქოლოგიური და პოლიტიკური უპირატესობა აქვს იმიტომ, რომ 6 თვის განმავლობაში ჰპირდებოდი რაღაცის გაკეთებას და შემდეგ გადააგდე

პროპორციული სისტემისთვის ბრძოლა დასრულდა და პოლიტიკური სტაბილურობა, რომელიც ჩვენს ქვეყანას ასე ძალიან სჭირდება, სერიოზული საფრთხის წინაშე დადგა. ამის შესახებ უმრავლესობიდან წასულმა დეპუტატმა ზვიად ძიძიგურმა, „პალიტრანიუსის“ გადაცემა „360 გრადუსში“ განაცხადა.

მისივე თქმით, პროპორციულ არჩევნებზე გადასვლასთან დაკავშირებით დაპირება იყო მთელი მსოფლიოს მასშტაბით, მაგრამ ეს დაპირება გუნდმა არ შეასრულა.

„მე გუნდი დავტოვე იმის გამო, რომ ჩვენმა გუნდმა რაც თქვა, ის არ შეასრულა. მე ნაკლებად მჯერა, რომ ბიძინა ივანიშვილი საქმის კურსში არ იყო იმასთან დაკავშირებით, თუ რა შეიძლება მომხდარიყო. ყველაზე მეტად ბიძინა ივანიშვილი და მისი რეპუტაცია დაზარალდა ამ გადაწყვეტილების გამო.

პრობლემა პოლიტიკაში ის კი არაა, რომ ყველა თავს გესხმის, როცა შენ პოლიტიკაში ხარ, უნდა ელოდო რომ შესაძლოა ყველა პარტია დაგესხას თავს, მაგრამ პრობლემა ისაა, რომ ისინი მართლები არიან და შენ მტყუანი. ამ შემთხვევაში ოპოზიციას მორალური, ფსიქოლოგიური და პოლიტიკური უპირატესობა აქვს იმიტომ, რომ 6 თვის განმავლობაში ჰპირდებოდი რაღაცის გაკეთებას და შემდეგ გადააგდე. მიხეილ სააკაშვილმა სწორედ ეს გაკეთა, კონსტიტუცია შეცვალა არჩევნების წინ, მაგრამ ჩვენ რომ ამას გავაკეთებდით, ამის მოლოდინი არ მქონდა. ამიტომ ჩემთვის სრულიად მიუღებელია ვიყო იმ პოლიტიკურ გუნდთან ერთად, რომელმაც ასეთი გადაწყვეტილება მიიღო“,-განაცხადა ზვიად ძიძიგურმა.

იხილეთ ვიდეო:

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე