ესტონეთის მიერ რუსეთის წინააღმდეგ ტერიტორიებთან დაკავშირებით გამოთქმული პრეტენზიები მიუღებელია, - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.

„მივიჩნევთ, რომ ეს მოთხოვნა მიუღებელია და მას ვერ დავთანხმდებით,“ - აღნიშნა პესკოვმა, რითაც ის ესტონეთის პარლამენტის თავმჯდომარეს, ჰენ პილუაასს გამოეხმაურა, რომელმაც რუსეთი ესტონეთის ანექსიაში დაადანაშაულა და განაცხადა, რომ რუსეთმა ესტონეთს 1920 წელს ხელმოწერილი ტარტუს სამშვიდობო ხელშეკრულებაში აღნიშნული ტერიტორიები უნდა დაუბრუნოს.

ტარტუს სამშვიდობო შეთანხმება რუსეთსა და ესტონეთს შორის 1920 წლის თებერვალში გაფორმდა. ამ შეთანხმების მიხედვით, ლენინგრადის ოლქისა და პეჩორის გარკვეული ნაწილი ესტონეთის კუთვნილებაა. თუმცა, რუსეთი აცხადებს, რომ შეთანხმებამ იმ წუთიდან დაკარგა ძალა, როცა ესტონეთი საბჭოთა კავშირში გაერთიანდა.

იხილეთ ვიდეო: