ირანი Amnesty International-ის მიერ გავრცელებულ განცხადებას, 100-ზე მეტი დემონსტრანტის მოკვლის შესახებ „ფაბრიკაციას“ და „მიკერძოებულს“ უწოდებს. თეირანის წარმომადგენელი გაეროში, ალიზერა მირიოსეფი აცხადებს, რომ უფლებადამცველი ორგანიზაციის მიერ გავრცელებული ცნობები არის „დეზინფორმაციული კამპანია ირანის წინაღმდეგ“.

„ნებისმიერი ციფრები, რომელიც დადასტურებული არ არის მთავრობის მიერ, არის სპეკულაცია და არასანდო“,-აცხადებს მირიოსეფი.

შეგახსენებთ, გუშინ Amnesty International-მა განაცხადა, რომ ზოგიერთი ცნობებით, სამთავრობო ძალების მიერ ირანში 200-მდე დემონსტრანტია მოკლული.

ირანში მასშტაბური აქციები საწვავის ფასების ზრდამ გამოიწვია. ირანის პრეზიდენტმა დემონსტრანტები „შეიარაღებულ ანარქისტებად“ მოიხსენია და აშშ და დასაველთის ქვეყნები მათ მხარდაჭერაში დაადანაშაულა.