დავით ზალკალიანი  ევროპარლამენტის წევრებს შეხვდა

საგარეო საქმეთა მინისტრი დავით ზალკალიანი ბრიუსელში ვიზიტის ფარგლებში ახალი მოწვევის ევროპარლამენტის წევრს, ესტონეთის ყოფილ საგარეო საქმეთა და თავდაცვის მინისტრს სვენ მიქსერს, ასევე ევროპარლამენტის წევრებს და ყოფილ კოლეგებს მარინა კარიულანდსა და ვიტოლ ვაშიკოვსკის შეხვდა. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, შეხვედრაზე საუბრის მთავარი თემა საქართველოს ევროინტეგრაციული პროცესები, ამ გზაზე მიღწეული პროგრესი და არსებული გამოწვევები იყო.

შეხვედრაზე საუბარი ასევე შეეხო უსაფრთხოების საკითხებს და ამ მხრივ ოკუპირებულ ტერიტორიებზე არსებულ რთულ ვითარებას. შეშფოთება გამოიხატა ექიმ ვაჟა გაფრინდაშვილის დაკავების ფაქტზე და აღინიშნა, რომ აუცილებელია მსგავს ფაქტებზე საერთაშორისო საზოგადოებას ჰქონდეს მწვავე რეაქცია.

„ევროპარლამენტარებმა კიდევ ერთხელ მაღალი შეფასება მისცეს საქართველოს ინტეგრაციულ პროცესს. მინისტრმა ევროპარლამენტარებს გააცნო ის ნაბიჯები, რასაც საქართველო დგამს ამ მიმართულებით, მათ შორის ევროკავშირში ინტეგრაციის საგზაო რუკა, ასევე აღმოსავლეთ პარტნიორობის მოახლოებულ სამიტთან დაკავშირებით საქართველოს ხედვა და ინიციატივები 2020 წლის შემდეგომ მიზნებთან დაკავშირებით. ევროპარლამენტარებმა გამოხატეს სრული მხარდაჭერა ამ მიმართულებით და გამოთქვეს მზაობა ევროპარლამენტის ფარგლებში მომავალშიც აქტიურად ითანამშრომლონ საქართველოსთან დაკავშირებულ საკითხებზე,“ - ნათქვამია ინფორმაციაში.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას