მნიშვნელობა არ აქვს ვისი სახლი იქნება, ნებისმიერ დროს პოლიცია დაიცავს კანონს,- ამის შესახებ საპატრულო პოლიციის ხელმძღვანელმა ვაჟა სირაძემ ბიძინა ივანიშვილის სახლთან განაცხადა, სადაც აქციის მონაწილეები სანაგვე ურნის ჭიშკართან მიტანას ცდილობდნენ.
მისი განცხდებით, პოლიცია იცავს მოქალაქეების უფლებას და ის მუდმივად ხალხის სამსახურშია.
“აქციის მონაწილეები მობრძანდნენ ამ ლოკაციაზე კონკრეტულად იმისთვის, რომ დაეკეტათ შესასველელი და შესაბამისად, არ მივეცით ამის უფლება. არ აქვს მნიშვნელობა ვისი სახლი იქნება, ნებისმიერ დროს პოლიცია დაიცავს კანონს”,- განაცხადა სირაძე.
ცნობისთვის, ახალგაზრდული მოძრაობა „გაბედეს” მონაწილეებმა ბიძინა ივანიშვილის სახლთან ნაგვის ურნა მიიტანეს, თუმცა ურნის უშუალოდ ჭიშკართან მიტანის საშუალება მათ სამართალდამცავებმა არ მისცეს. აქციის მონაწილეებმა ნაგვის ურნა მოაჯირზე ბოქლომით მიამაგრეს. ბიძინა ივანიშვილის სახლთან აქცია დასრულდა.