გიგი წერეთელმა ევროპის სახალხო პარტიის კონგრესზე სიტყვით გამოსვლისას ექიმ ვაჟა გაფრინდაშვილის დაკავებაზე ისაუბრა

ევროპის სახალხო პარტიის კონგრესზე ეუთო-ს საპარლამენტო ასამბლეის პრეზიდენტი და „ევროპული საქართველოს“ ფრაქციის თავმჯდომარე გიგი წერეთელი სიტყვით გამოვიდა. ამის შესახებ ინფორმაციას „ევროპული საქართველო“ ავრცელებს.

გიგი წერეთელმა თავის გამოსვლაში ყურადღება გაამახვილა საქართველოში მიმდინარე უკანონო ბორდერიზაციაზე, ოკუპირებულ ტერიტორიებზე ადამიანის უფლებების შელახვის ფაქტებზე და კონკრეტულად, ექიმ ვაჟა გაფრინდაშვილის საქმეზე. მისი განცხადებით, ევროპის სახალხო პარტიას შეუძლია უპასუხოს ამ გამოწვევებს და გაუმკლავდეს დაბრკოლებებს. „უკანონო ბორდერიზაცია საქართველოში იწვევს ფატალურ შედეგებს და ადამინის უფლებების უხეშ დარღვევებს. ბოლო ასეთი შემთხვევა შეეხება ცნობილ ქართველ ექიმს, ჩემს მეგობარ ვაჟა გაფრინდაშვილს, რომელიც დაპატიმრებულია ე.წ. „სამხრეთ ოსეთის“ საოკუპაციო რეჟიმის მიერ ძალადობრივად, არალეგიტიმური მიზეზებით, თითქოს მან გადაკვეთა ე.წ. საზღვარი. როგორც უდიდეს და ყველაზე გავლენიან ევროპულ პოლიტიკურ ოჯახს - „ევროპის სახალხო პარტიას“, რომელსაც გააჩნია საკვანძო გადაწყვეტილების მიღების ინსტრუმენტები და შესაძლებლობები, აკისრია უდიდესი პასუხისმგებლობა უპასუხოს არსებულ გამოწვევებს და უზრუნველყოს ჩვენი მოქალაქეების უკეთესი მომავალი“,- განაცხადა წერეთელმა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე