სუს-ი - საოკუპაციო რეჟიმის მიერ გაკეთებული განცხადება წარმოადგენს ვაჟა გაფრინდაშვილის წინააღმდეგ გამოგონილი ბრალდების შემადგენელ ნაწილს და მიზანმიმართულ დეზინფორმაციას

საოკუპაციო რეჟიმის მიერ გაკეთებული განცხადება წარმოადგენს ვაჟა გაფრინდაშვილის წინააღმდეგ გამოგონილი ბრალდების შემადგენელ ნაწილს და მიზანმიმართულ დეზინფორმაციას, - ამის შესახებ „ინტერპრესნიუსს“ საქართველოს სახელმწიფო უსაფრთხოების სამსახურში განუცხადეს.

მათივე შეფასებით, საოკუპაციო ძალების მიერ ვაჟა გაფრინდაშვილთან დაკავშირებით გატარებული ნებისმიერი ქმედება არის უკანონო და არ გააჩნია არანაირი სამართლებრივი საფუძველი.

„ოკუპირებულ ტერიტორიებზე და საოკუპაციო ხაზს გასწვრივ უსაფრთხოების გარემოს შენარჩუნების მიზნით აუცილებელია ვაჟა გაფრინდაშვილის დაუყონებლივ გათავისუფლება.

საქართველოს ცენტრალური ხელისუფლების მიერ ვაჟა გაფრინდაშვილის უკანონო პატიმრობიდან გათავისუფლებისთვის მიმდინარეობს აქტიური მუშაობა, ინფორმირებულია ევროკავშირის სადამკვირვებლო მისია, პროცესში ჩართულნი არიან ჟენევის საერთაშორისო დისკუსიების თანათავმჯდომარეები“, - აცხადებენ სუს-ში.

შეგახსენებთ, რომ ე.წ. სამხრეთ ოსეთის КГБ საქართველოს მოქალაქეების სატელეფონო საუბრების სტენოგრამას აქვეყნებს. მასალა, რომელიც სააგენტო „რესმა“ გაავრცელა, ეხება, ცხინვალის დე-ფაქტო რეჟიმის მიერ უკანონოდ დაკავებული ვაჟა გაფრინდაშვილის პირად საუბრებსა და მონაცემებს.როგორც დე-ფაქტო უწყება იტყობინება, ვაჟა გაფრინდაშვილის მიერ „საზღვრის გადალახვა“ კარგად დაგეგმილი იყო.„ნოემბრის დასაწყისში, ვაჟა გაფრინდაშვილი იმყოფებოდა საგარეო ვიზიტით ბალტიის ქვეყნებში, მათ შორის ესტონეთში. 4 ნოემბერს, ვ. გაფრინდაშვილი დაბრუნდა თბილისში, სადაც 5 ნოემბრიდან 8 ნოემბრამდე მიიღო პაციენტები „მედიქლაბ-ჯორჯიაში“. 6 ნოემბერს, გაფრინდაშვილის სოლო პაკეტის ფარგლებში „საქართველოს ბანკის“ ანგარიშზე დაერიცხა 21 000 ლარი. 8 ნოემბერს ვ. გაფრინდაშვილი თავის კლიენტებთან საუბარში თქვა, რომ იგი თბილისში არ იქნებოდა შაბათს და კვირას და რომ იგი ორშაბათს, 11 საათამდე პაციენტებს ვერ მიიღებდა“, - ნათქვამია ინფორმაციაში.სტატიაში ასევე მოცემულია სტენოგრამა, რომელიც დე-ფაქტო უწყების ცნობით, საქართველოს მოქალაქეებს შორის სატელეფონო საუბარს ასახავს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა