აშშ-ში, ფლორიდის შტატის ქალაქ ტამპას უმაღლესი სკოლის შენობის ქვეშ 145 ადამიანის ნეშტი იპოვეს. ამ ინფორმაციას „ბიბისი“ ავრცელებს. პოლიციის განცხადებით, აღნიშნულ ადგილას მე-20 საუკუნის შუა პერიოდში სასაფლაო მდებარეობდა.

ნეშტებს სპეციალური მოწყობილობის მეშვეობით მას შემდეგ მიაგნეს, რაც ამ ტერიტორიაზე სასაფლაოს არსებობის შესახებ ცნობა გავრცელდა. გამოცემის მიხედვით, გარდაცვლილების უმეტესობა აფროამერიკელები იყვნენ.

ადგილობრივმა ხელისუფლებამ ეს ტერიტორია 1942 წელს კერძო კომპანიას მიჰყიდა, სადაც სკოლა 1960 წელს აშენდა. ინფორმაციის გავრცელების შემდეგ სკოლის ადმინისტრაციამ შენობის დაცლა გადაწყვიტა.