ირლანდიის საპორტო ქალაქ როსლარეში ბორანზე უკანონოდ მყოფი 16 მიგრანტი იპოვეს. ამ ინფორმაციას „ბიბისი“ ავრცელებს. ბორანი საფრანგეთიდან ირლანდიისკენ მიცურავდა, მასზე მყოფი 16 მიგრანტი კი სატვირთო ავტომობილში იმალებოდა.
ბორანზე მიგრანტების არსებობის შესახებ მაშინ გახდა ცნობილი, როდესაც ბორნის ეკიპაჟმა სატვირთოსთან ჩავლის დროს მათი ხმა გაიგონა. მედიის ინფორმაციით, ყველა მიგრანტი თავს კარგად გრძნობს.