მადაგასკარში ქარსის მომპოვებელ მაღაროში ათასობით არასრულწლოვანი მუშაობს. ამ ინფორმაციას The Guardians ავრცელებს. გამოცემის ინფორმაციით, ბავშვები, მაღაროში უმძიმეს პირობებში მუშაობენ. ქარსის მომპოვებელ მაღაროში დაახლოებით 11 000 ბავშვი კანონის დარღვევით მუშაობს და ისინი მაღაროში დასაქმებული ადამიანების ნახევარზე მეტს შეადგენენ.

ამასთან, მათ ჯანმრთელობის პრობლემები ხშირად აღენიშნებათ. არასამთავრობო ორგანიზაციები მადგასკარის ხელისუფლებას მოუწოდებენ, დაუყოვნებლივ დაიწყონ ამ საქმეზე გამოძიება და არასრულწლოვანთა უკანონო ექსპლუატაცია შეწყდეს. აღსანიშნავია, რომ ბუნებრივ მინერალ ქარსს საღებავების დასამზადებლად მთელი მსოფლიოს მასშტაბით იყენებენ. მას განსაკუთრებით ფართო გამოყენება კოსმეტიკაში აქვს. მადაგასკარში მოპოვებული ქარსის 90% ექსპორტზე ჩინეთში გადის.