ირაკლი ოქრუაშვილის და ზურაბ ადეიშვილის სასამართლო პროცესი 15:00 საათამდე გადაიდო

შინაგან საქმეთა ყოფილი მინისტრის, ბრალდებული ირაკლი ოქრუაშვილისა და ყოფილი გენერალური პროკურორის, ზურაბ ადეიშვილის სასამართლო პროცესი გადაიდო.

აღნიშნულის მიზეზი სხდომაზე ირაკლი ოქრუაშვილის გამოუცხადებლობა გახდა. ამასთან, სასამართლოში წარმოდგენილი არ იყო ოქრუაშვილის უფლებადამცველიც.

ირაკლი ოქრუაშვილმა სასამართლოს განცხადებით მიმართა, რომელშიც შინაგან საქმეთა ყოფილი მინისტრი სხდომის გადადებას ითხოვდა და განმარტავდა, რომ მიეცეს გონივრული ვადა, რათა განსახილველი საქმის არსა და მის სტატუსში გაერკვეს.

პროკურორ ლაშა კოტრიკაძის განმარტებით კი, ირაკლი ოქრუაშვილის განცხადება სიმართლეს არ შეესაბმება, ვინაიდან მისთვის ცნობილია, თუ რა საქმეზე წარედგინა ბრალი.

ამასთან, მოსამართლე არსენ კალატოზიშვილმა ბრალდების მხარეს მიმართა კითხვით, ეზღუდება თუ არა, ოქრუაშვილს ადვოკატთან კომუნიკაცია, რაზეც პროკურორმა განუცხადა, რომ ეს სიმართლეს შეესაბამება. თუმცა, ადვოკატს ოქრუაშვილის მითითებით თავად დაუკავშირდნენ, მაგრამ ადვოკატმა განაცხადა, რომ ბრალდებულთან ვერ შეთანხმდა.

აღკვეთის ღონისძიების შეფარდებისთვის 24-საათიანი ვადა დღეს, დაახლოებით, 16:41 საათზე იწურება. სხდომა 15:00 საათამდე გადაიდო.

ცნობისთვის, ირაკლი ოქრუაშვილსა და ზურაბ ადეიშვილს ახალი ბრალი რამდენიმე დღის წინ წაუყენეს.

ორივე მათგანს ბუტა რობაქიძის საქმეზე სამსახურეობრივი უფლებამოსილების ბოროტად გამოყენებას ედავებიან.

ირაკლი ოქრუაშვილსა და ზურაბ ადეიშვილს ბრალი საქართველოს სსკ-ის 332-ე მუხლის მესამე ნაწილის „გ“ ქვეპუნქტით (2006 წლის 31 მაისამდე მოქმედი რედაქცია) წარედგინათ, რაც სასჯელის სახედ ითვალისწინებს თავისუფლების აღკვეთას სამიდან რვა წლამდე ვადით.

იხილეთ ვიდეო:

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის