ნატო-ს მიმართ ენთუზიაზმი არის გაზრდილი და ვალდებულებები, რომელიც ავიღეთ ნატო-სთან და ჩვენს პარტნიორებთან უპირობოდ სრულდება. შესაბამისად, ველოდებით იმ მომენტს, როდესაც საქართველოს ნატო-ში მიღება მოხდება,-ამის შესახებ პარლამენტის თავმჯდომარემ არჩილ თალაკვაძემ მედიას განუცხადა,რითაც "ამერიკის ხმის" ქართული გამოცემის მიერ გამოქვეყნებულ სტატიას გამოეხმაურა, სათაურით - „საქართველოს მთავრობაში ნატო-ზე ენთუზიაზმა მოიკლო“.

არჩილ თალაკვძის თქმით, აღნიშნულ პოზიციას არ ეთანხმება.

„საქართველო დღეს ყველა სტანდარტით ნატო-სთან თავსებადია. საქართველო სტრატეგიულ მზადყოფნაში იმყოფება. მისი გაწევრიანების შესახებ გადაწყვეტილება ჩვენი პოლიტიკური და სტრატეგიული პარტნიორების მხრიდან არის მისაღები. ჩვენ ერთად ვქმნით მომენტს,როდესაც ეს გადაწყვეტილება იქნება შესაძლებელი. ოღონდ ნებისმიერ შემთხვევაში, ეს გადაწყვეტილება არის მისაღები ნატო-ს და ჩვენი სტრატეგიული პარტნიორების მხრიდან. არსებობს ნატო-ს ოფიციალური შეფასების ანგარიშები, სადაც საქართველოს პროგრესი სათანადოდ არის შეფასებული. საქართველოში წელს ჩატარდა ისტორიაში ერთ -ერთი ყველაზე დიდი სამხედრო ტაქტიკური წვრთნები, სადაც 3 ათასზე მეტი ნატო-ს ჯარისკაცი მონაწილეობდა. ესეც ნიშნავს, რომ ნატო-ს მიმართ ენთუზიაზმი არის გაზრდილი და ვალდებულებები, რომელიც ავიღეთ ნატო-სთან და ჩვენს პარტნიორებთან უპირობოდ სრულდება. შესაბამისად, ველოდებიით იმ მომენტს ,როდესაც საქართველოს მიღება ნატო-ში მოხდება. ჩვენ გვჯერა, რომ ეს შესაძლებელია, რადგან გვჯერა, რომ შესაძლებელია, ყველაფერს ვაკეთებთ, რომ ეს გადაწყვეტილება რაც შეიძლება დროულად იყოს მიღებული",-განაცხადა თალაკვაძემ.