თინა ხიდაშელი - თეა წულუკიანის გამოსვლა იმ ნიშნულიდან ყველაზე უფრო დაბლაა, რომელიც ადამიანმა შეიძლება მლიქვნელობის ციკლში წარმოიდგინოს

თეა წულუკიანის გამოსვლა იმ ნიშნულიდან ყველაზე უფრო დაბლაა, რომელიც ადამიანმა შეიძლება წარმოიდგინოს მლიქვნელობის ციკლში. მას სჭირდება პერიოდულად საკუთარი ერთგულების მტკიცება. იქ, ბიძინას ციტირებს, „აი, როგორი ჭკვიანი კაცია“, სუპერ სამარცხვინო, სუპერ სასაცილოა, - ამის შესახებ თავდაცვის ყოფილმა მინისტრმა თინა ხიდაშელმა ტელეკომპანია „პალიტრანიუსის“ გადაცემაში „ნიუსრუმი“ განაცხადა, რითაც იუსტიციის მინისტრის, თეა წულუკიანის მიერ გაკეთებულ განცხადებებს გამოეხმაურა.

„ზოგადად, მისი პროფესიული უკუსვლის ხარისხი, ტემპი, მასშტაბი, უკვე რაღაც წარმოუდგენელ სიჩქარეზეა. ამ ხელისუფლებაში არიან ადამიანები, რომლებმაც არ იციან საკითხები. მაგალითად, კახა კალაძე, როდესაც ამბობს, რომ გერმანული მოდელი ეწინააღმდეგება საქართველოს კონსტიტუციას, შესაძლებელია, რომ ვერ გაბრაზდე, იმიტომ, რომ არ იცის, რაც უთხრეს - იმეორებს. ამიტომ, მისი მხრიდან ნორმალურია ასეთი განცხადება, მაგრამ როდესაც თეა წულუკიანი ამბობს, რომ კოჰაბიტაცია, თურმე, რაღაც პროცესია, რომელსაც ქაღალდზე დაწერ, ამ დღეს ჩართავ და გამორთავ, ეს უბრალოდ, ძალიან სასაცილოა. არ ვიცი, ამ თემაზე კომენტარების კეთება რამდენი წელი შეიძლება. კოჰაბიტაცია ეს არის მოვლენა, როდესაც ხელისუფლების სხვადასხვა შტოში, სხვადასხვა პოლიტიკური ძალის წარმომადგენლები არიან და შესაბამისად, მათ შორის თანამშრომლობა მიმდინარეობს, იმიტომ, რომ სახელმწიფო ასეთია. დემოკრატიულ სახელმწიფოებში სხვადასხვა პარტიები, სხვადასხვა შემადგენლობით და სხვადასხვა ფორმით მოდიან ხელისუფლებაში. მაგალითად, გერმანიაში პრეზიდენტი „სოციალ-დემოკრატია“ და აღმასრულებელი ხელისუფლება ანგელა მერკელის მეთაურობით „ქრისტიან-დემოკრატებისგან“ შედგება,“ - განაცხადა თინა ხიდაშელმა.

იხილეთ ვიდეო:

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა