მცხეთის მაჟორიტარი დეპუტატის დიმიტრი ხუნდაძის ბიუროსთან, სადაც "ევროპული საქართველოს" ლიდერები ბიუროს შესასვლელის „დაბოქლომებას“ ცდილობდნენ, ორი პირი დააკავეს. „ევროპული საქართველო" პრესსამსახურის წარმომადგენლის თორნიკე დიასამიძის გარდა, დაკავებულია, კიდევ ერთი პირი. შსს-ში "ინტერპრესნიუსს" ორივე პირის დაკავება დაუდასტურეს.
თორნიკე დიასამიძე ამ დროისთვის მცხეთის პოლიციის სამხარეო სამმართველოშია გადაყვანილი. აქ ასევე იმყოფებიან „ევროპული საქართველოს“ ლიდერებიც, რომლებიც თორნიკე დიასამიძესთან შეხვედრას ითხოვენ. ინციდენტი რომელიც მაჟორიტარი დეპუტატის ბიუროსთან მოხდა, შენობაზე სტიკერის გაკვრას მოჰყვა.