გურამ ჩალაგაშვილი - ირაკლი ოქრუაშვილი ძალიან მალე გამოვა და თავად აგებინებს პასუხს ივანიშვილს ყველაფრისთვის

ირაკლი ოქრუაშვილი ძალიან მალე გამოვა და თავად აგებინებს პასუხს ივანიშვილს ყველაფრისთვის, - ამის შესახებ „გამარჯვებული საქართველოს“ წევრმა, გურამ ჩალაგაშვილმა სასამართლოში ჟურნალისტებს განუცხადა.

როგორც ჩალაგაშვილმა აღნიშნა, ირაკლი ოქრუაშვილის წინააღმდეგ მზაკვრული გეგმა მოქმედებს.

„ეს არის კიდევ ერთი მზაკვრული გეგმა. წლებია უკვე, პატიმრობაში მყოფ ადამიანს ხელახლა პატიმრობას არ უსჯიან, ვინაიდან 9 თვე ითვლება 25 ივნისიდან. ეს არის ივანიშვილის მორიგი მზაკვრული გეგმა და ამაზე მას მოუწევს აუცილებლად პასუხისგება“, - განაცხადა ჩალაგაშვილმა.

რაც შეეხება ბუტა რობაქიძის მკვლელობის საქმეს, როგორც ჩალაგაშვილი ამტკიცებს, არასდროს არავის მოუთხოვია ამ საქმეზე ოქრუაშვილის პასუხისგება და არც ოქრუაშვილი ყოფილა რობაქიძის მკვლელობის ადგილზე.

„ბუტა რობაქიძის მხარდამჭერი აქციები როდესაც მიმდინარეობდა არსად, არასდროს, არავის უხსენებია ირაკლი ოქრუაშვილი. სოსო რობაქიძემ ირაკლი ოქრუაშვილი ახსენა მაშინ, როდესაც ირაკლიმ პარტია გააკეთა. 7 წელია კაცი საქართველოში ცხოვრობს და ახლა გაახსენდათ? 7 წლის წინ რატომ არ დაიჭირა ივანიშვილმა? თავდაცვის სამინისტროს ბევრი თანამშრომელი დაადასტურებს, რომ ირაკლი ბუტა რობაქიძის მკვლელობის დღეს უკვე თავდაცვის მინისტრი იყო და ერთი კვირით ადრე იყო გადასული სამინისტროში. შემხებლობა არ აქვს ამ საქმესთან“, - განაცხადა ჩალაგაშვილმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ